Magazeti leo Agosti 28,2026

Wafanyabiashara wa Tanzania wanaoagiza bidhaa kutoka China sasa wanaweza kuwalipa wazabuni wao moja kwa moja kwa kutumia Shilingi ya Tanzania, bila kulazimika kwanza kubadilisha fedha hizo kuwa Dola za Marekani kabla ya kulipwa kwa Yuan ya China.

Huduma hiyo mpya ilikuwa miongoni mwa mada kuu katika Jukwaa la Biashara Tanzania na China lililoandaliwa na Stanbic Bank Tanzania katika Ukumbi wa Diamond Jubilee, Dar es Salaam.

Jukwaa hilo liliwakutanisha wafanyabiashara wa Tanzania, wawakilishi wa biashara kutoka China pamoja na taasisi mbalimbali za serikali na biashara kujadili fursa za kuimarisha biashara na uwekezaji kati ya Tanzania na China.